શહેરના પૂર્વ વિસ્તારમાં પશ્ચિમ વિસ્તારની જેમ ઉત્તર અને દક્ષિણ વિસ્તારને જોડતો આશ્રમ રોડ જેવો ધોરીમાર્ગ નથી. ઈસ્ટ રિવર ડ્રાઈવ, ઉત્તરે એરપોર્ટથી આંબેડકર બ્રિજ સુધી કોઈપણ અંતરાય વિના મુસાફરી માટેની આ જરૂરિયાતને પૂરી પાડે છે.

 

પૂર્વ કાંઠે સા.રી.ફ્ર.ડે. ના માર્ગોની પહોળાઈ ૩૦ મીટર છે. તમામ સા.રી.ફ્ર.ડે. ના માર્ગો પર સાઇકલ ટ્રેક સહિત ખાસ રાહદારી રસ્તાઓ, પાર્કિંગ માટેની જગ્યા, અને ૬.૭૫ મીટર/૨૨ ફૂટ પહોળા વાહન માટેના રસ્તાઓ છે. માર્ગોની એક અથવા બંને બાજુએ આવેલ પ્રવેશમાર્ગો જરૂર અનુસાર વર્તમાન અને ભાવિ રિવરફ્રન્ટમાં પ્રવેશ માટેની સુવિધા પૂરી પાડે છે. પ્રવેશમાર્ગો બાદ માળખાગત સેવાઓ આવેલ છે, અને વરસાદી પાણીની લાઈનો રોડની મધ્યેથી પસાર થાય છે.