સ્માર્ટ MLCP રિવરફ્રન્ટની પશ્ચિમ બાજુએ ઇવેન્ટ ગ્રાઉન્ડની સામે કાર્યરત છે. ઉપરાંત, ફૂટ-ઓવર બ્રિજ MLCP સાથે સીધો જોડાયેલ છે, તેથી ફૂટ-ઓવર બ્રિજની મુલાકાત લેતા લોકો MLCP પર તેમના વાહનો પાર્ક કરી શકે છે. લોકો ફૂટ-ઓવર બ્રિજનો ઉપયોગ કરીને MLCP પરથી સીધા ફ્લાવર પાર્ક અથવા રિવરફ્રન્ટના પ્રોમેનેડ્સ પર પણ જઈ શકે છે. આ સ્માર્ટ MLCP આપમેળે પાર્કિંગની ઉપલબ્ધતા બતાવશે અને કોઈપણ રેમ્પ વિના દેશની પ્રથમ સિસ્ટમ છે. તેમાં 1000 કારની ક્ષમતા હશે અને ઇલેક્ટ્રોનિક વાહનો માટે તેમના વાહનને ચાર્જ કરવા માટે E-ઝોન પણ છે.

પરંપરાગત રીતે કપડાં ધોવા માટે નદીકાંઠાનો ઉપયોગ કરતાં ધોબી સમાજ માટે અત્યાધુનિક સુવિધાઓ પૂરી પાડવા સાથે ધોબીઘાટનું નિર્માણ કરવામાં આવ્યું છે. પૂર્વકાંઠે હાલમાં જ નિર્માણ કરવામાં આવેલ આ જગ્યા આશરે 9400 સ્ક્વેર મીટર વિસ્તારમાં ફેલાયેલ છે, અને તેમાં વાહનોની અવરજવર માટેની વ્યવસ્થા, પાર્કિંગ અને સ્થળ પર લાઇટની સુવિધા છે. આ સ્થળ પરનાં સાત બ્લોક્સમાં ગ્રાઉન્ડ લેવલ પર કપડાં ધોવા માટેની વ્યવસ્થા છે અને અગાસી પર કપડાં સુકવવા માટેની સુવિધા છે. આ સ્થળે મીટર સાથે પાણી અને વીજળીની સુવિધા તેમજ ગટર વ્યવસ્થા પણ છે

આ સુવિધા ૩ ફેબ્રુઆરી, ૨૦૧૪ નાં રોજ ગુજરાતનાં મુખ્યમંત્રી શ્રી નરેન્દ્ર મોદીનાં વરદ હસ્તે લોકાર્પણ થયા બાદ કાર્યરત થઈ ચૂકી છે