આ પ્રોજેક્ટનો હેતુ જમીન પુનઃપ્રાપ્ત કરીને સમગ્રપણે તેની ઉપયોગિતા વધારીને અમદાવાદના રિવરફ્રન્ટને જાહેર અસ્ક્યામત બનાવવાનો છે. ઉત્તર-દક્ષિણ દિશામાં માર્ગની જોગવાઈ શહેરના વર્તમાન પરિવહન નેટવર્કને મજબૂત બનાવશે.

રિવરફ્રન્ટ અને ત્યાં ઊભી કરવામાં આવેલી સગવડોનો વધુ સારી રીતે લાભ મેળવવા માટે, નદી સુધી જતાં માર્ગોને સુયોજિત કરવામાં આવશે અને કેટલાક નવા માર્ગો વિકસાવવામાં આવશે. મોટાભાગના પ્રાયોજિત માર્ગો બાંધકામ હેઠળ છે. નવા માર્ગો, પહોળી ફૂટપાથો અને ખાસ સાઇકલ ટ્રેક્સ સાથે ડિઝાઇન કરવામાં આવ્યા છે, જેથી રાહદારીઓને નદી સુધી આકર્ષી શકાય અને તેમની સુવિધાઓમાં વધારો થઈ શકે.