શહેર માં ગ્રીન કવર વધારવા માટે અર્બન ફોરેસ્ટરી એ નવતર પ્રયોગ છે જે આસપાસ ના વિસ્તારોની જીવંતતા વધારશે તેમજ શહેર માં જરૂરી હરિયાળીને જાળવી રાખવામાં મદદ કરશે. બાયો ડાયવર્સીટી પાર્ક અને મિયાવાકી પ્લાનટેશન સાથે સાબરમતી રિવરફ્રન્ટ ખાતેના અન્ય બાગ બગીચાઓએ શહેરને વધારે હરિયાળું બનાવ્યું છે જેમાં વિવિધ પ્રકારના લોકલ , ફળ આપતા વૃક્ષોનો તથા વૃક્ષોની અનેક લુપ્તપ્રાય જાતિઓ નો સમાવેશ થાય છે.

ફેઝ ૨ માટેની કામગીરી અંતર્ગત કન્સેપટ પ્લાનિંગ અને ડિઝાઇનિંગ માં સ્ટૅપ્પ્ડ ગ્રીન મલ્ટી લેયર પ્રોમીનાડ, ઉત્તમ માર્ગ નેટવર્ક, એક્ટીવ ગ્રીન પાર્કસ, ચિલ્ડ્રન પ્લે એરિયા, ફૂડ પ્લાઝા, એમ્ફીથિએટર વગેરેનો સમાવેશ થશે. આ પ્રોજેક્ટનો સંપૂર્ણ વિકાસ શહેરી નવજીવન અને પર્યાવરણીય સુધારણા તરફ છે જે નદીને હળવાશ અને મનોરંજનના કેન્દ્રબિંદુ તરીકે પરિવર્તિત કરશે.